dzaliandidi madloba tqveni yuradgebistvis da asetti tanadgomisatvis vecdeebid a vcdilob kidevac dgevandel dgesac ase movikce ubralod gartulda mgoni yvelaperid dzalian  da agarc vici ukve ra gavaketo vatareb rac shemidzlia da vutmen meuglem arc icis is rac ramodenime xnis win moxda man ase mitxra ro yvelapers vizav ro shen chemtane rtad ar icxovro da chemshviltan ertad ar icxovro da mgoni gaaketebs kidec arc vici es araferi ar mitqvams kmristvis da yvelanairad vcdilob konplikti ar shevkmna chemsa da chems meugles shoris martla dzalian didimadloba rom tqvennairi adamiani rchevas madzlevs tanac asets 

ძალიან ბევრი ადამიანი გვწერს მსგავს ისტორიებს და ძნელი არაა წარმოვიდგინოთ როგორია თქვენი მდგომარეობა. ფაქტია, რომ ეს ადამიანი მარტო, თავის ნებაზე ცხოვრებასაა შეჩვეული და არ შეუძლია ანგარიში გაუწიოს სხვას (ამ შემთხვევაში საკუთარ რძალს, რომელიც, სავარაუდოდ, ვერა და ვერ მივიდა მის გულთან ახლოს).

დავიწყოთ იქიდან, რომ ის ადრეულ ასაკიდანვე უქმროდ დარჩა და მარტო უწევდა ოჯახს გაძღოლოდა. გასაკვირი არაა, რომ მასში ქალური იმთავიდანვე ჩაკვდა და გადაგვარდა. მხოლოდ იმაზე გადაერთო, როგორ გაეტანა ოჯახი. რთულმა ცხოვრებამ ბევრი სიკეთე დაავიწყა, მათ შორის კულტურა და დათმობაც...

ძნელია ასეთი ადამიანის გვერდით ერთ ჭერქვეშ ცხოვრება. ძალიან უნდა მოინდომო, რომ სიმშვიდე შეინარჩუნო და მთელი შენი ნერვები და ჯანმრთელობა არ შეალიო ამ თანაცხოვრებას.

მე, როგორც რიგითი ადამინი, გირჩევ, არავითარ შემთხვევაში არ აჰყვე მის გამაღიზიანებელ საქციელს და არასოდეს არ გახდე ოჯახური სცენების ინიციატორი. ეს კარგს არც შენ მოგიტანს, არც მას და არც შვილებს, რომლებიც აუცილებლად უნდა იყოლიო (თუ ჯერ არა გყავს). ყოველთვის, როცა მისგან გაღიზინდები, შენს თავს უთხარი, რომ არ ღირს შენს ნერვიულობად, ეცადე იუმორით შეხედო, თუ ძალიან ეცდები, მასში დადებითსაც დაინახავ (უბრალოდ არ არსებობს, რომ მასში არ იყოს დადებითი მარცვლები). ყოველთვის, ყველა სიტუაციაში გახსოვდეს, რომ ის შენთვის ყველზე საყვარელი ადამინის დედაა და მტრულად და ნეგატიურად მხოლოდ იმიტომაა განწყობილი, რომ ეჭვიანობს და ბოლომდე დარწმუნებული არაა, რომ მისი შვილის შესაფერისი ხარ. 

დარწმუნებული ვარ, შენგან დადებით, თბილ დამოკიდებულებას თუ დაინახავს (ოღონდ ნამდვილს და არა ყალბს, რადგან სიყალბე ყოველთვის ადვილი შესამჩნევია და უფრო მეტად აფუჭებს ურთიერთობებს), ის შენს სასიკეთოდ შეიცვლება და დროთა განმავლობაში ყველაფერი ისე იქნება, როგორც შენ გინდა. მომთმენი თუ იქნები, ოჯახის სადავეები ნელ-ნელა შენს ხელში გადმოინაცვლებს და აღარ იწუწუნებ, რომ ყველაფერი გიფუჭდება.

მაგრამ თუ ამისი თავი არა გაქვს და ფიქრობ, რომ მისი ატანა და მოთმენა არ შეგიძლია და ვერც ვერასდროს შეძლებ, მაშინ საუკეთესო გამოსავალი ცალკე ცხოვრებაა მისთვისაც და შენთვისაც. კარგად აწონდაწონე ფასეულობები და შესაძლებლობები და თავს ნუ დაივადებ. იმოქმედე ისე, რომ წაგებული არ დარჩე და მშვიდობიანად მოაგვარო ყველაფერი. 

წარმატებებს გისურვებ!