როდესაც ადამიანი შეყვარებულია, უჩნდება ლოგიკური კითხვა ,,ვუყვარვარ,,? განსაკუთრებით ეს კითხვა ქალებს აწვალებს.
თუ სიყვარულში უკვე გამოგიტყდათ, მაინც დაფიქრდით. არსებობს უტყუარი ნიშნები იმისა, რომ მამაკაცი გულგრილია და საქმე გულწრფელ სიყვარულთან არა გვაქვს.

იშვიათი შეხვედრები
გადატვირთული გრაფიკი, მოუცლელობა და სიშორე შეყვარებულ ადამიანს ვერ აიძულებს თქვენს ნახვაზე უარი თქვას. თუ გული თქვენზე ფიქრით გამთბარია, აუცილებლად მონახავს დროს და თქვენსკენ გამოიქცევა.
უდროობა და მოუცლელობა უნდა აპატიო, მაგრამ თუ ერთხელაც არ მომხდარა, რომ თქვენს სანახავად დაბრკოლება გადაულახავს, საფუძვლიანი მიზეზი გაქვთ იფიქროთ რომ იგი გულგრილია.

გასაჭირში მარტო გტოვებს
მართალია შენი ცუდი არ უხარია და არც წარმატება შურს, მაგრამ მაინც, შენი სიხარული შენია და შენი ტკივილი შენი...
როდესაც რაღაც გაწუხებთ, პრობლემა გაქვთ ან სულაც გტკივათ რამე, განსაკუთრებით გჭირდებათ საყვარელი ადამიანის გვერდით დგომა. თუ ის არ ინტერესდება თქვენი წუხილითა და პრობლემებით და უბრალოდ ელოდება როდის გაივლის ყველაფერი, თავი აღარ დაიტანჯოთ ვარაუდებით. დარწმუნებული იყავით, რომ მას არ უყვარხართ.

არ გაცნობს მშობლებს და ახლობლებს
როგორც წესი, გოგონას მშობლების გაცნობა, უფრო ადრე ხდება ვიდრე ბიჭის. ამას ის განაპირობებს ხოლმე, რომ გოგონას მშობლები ყოველთვის აკონტროლებენ რატომ იგვიანებს მათი შვილი, ვისთან ერთად არის და ვინ მიაცილებს სახლამდე. მამაკაცის მშობლებს ასეთი კითხვები ნაკლებად უჩნდებათ. მითუმეტეს, თუ იგი 19 წლის ბიჭი აღარაა. თუ იგი მეგობრებისა და ახლობლების გაცნობას აჭიანურებს, ეს პანიკად არ ღირს. იქნებ სიტუაცია ვერ შეარჩია. ან რაღაც მოხდა.. მაგრამ, თუ ამ თემაზე საუბარს თავს არიდებს და საჭიროდ არ მიიჩნევს მის ახლობლებსაც იცნობდეთ, ეს გულგილობის კიდევ ერთი ნიშანია.

არასოდეს ელევა მიზეზი
უკვე აღარც გახსოვთ რამდენჯერ გაბრაზდით. მან კი აგიხსნათ, რომ საპატიო მიზეზი ჰქონდა. აბა ისე როგორ გაგაბრაზებდათ?!.. საპატიო მიზეზი არსებობს, მაგრამ გაუთავებლად რაღაცის მომიზეზება, არ არის საპატიო.

შეყვარებულ მამაკაცს უნდა ეამაყებოდეთ, ბედნიერი იყოს იმით, რომ ერთად ხართ. პრობლემა არ აშინებდეს და მუდამ უხაროდეს თქვენი ნახვა. მოფერებას, კომპლიმენტს და ყურადღებას არ უნდა იშურებდეს.. თუ ეს ასე არ არის, სამწუხაროდ, ვერაფრით დაგაიმედებთ..

პერლა ნამდვილ, წრფელ სიყვარულს გისურვებთ!