ამბობენ, რომ ქალს არაფრისაგან შეუძლია ბევრი რამ შექმნას. მაინც რა შეუძლია მას?

ასეთი კითხვით მიმართა პერლამ თავის ნაცნობ-მეგობრებს და ისეთი "მარგალიტები" (პერლები) შეაგროვა, ნამდვილად ღირს გაგიზიაროთ.

აი, ისინიც:

• ქალს შეუძლია არაფრისგან ბევრი რამ შექმნას, მაგრამ ყველაზე კარგად სცენების გამართვა გამოსდის.
• ქალს სრულიად არაფრისაგან შეუძლია შექმნას ტრაგედია და სკანდალი!
• ქალს არაფრისაგან დღესასწაულის შექმნაც შეუძლია!
• ქალს შეუძლია წყაროზე ჩაგიყვანოს და წყალი არ დაგალევინოს!
• ქალის გარეშე "მზე არ სუფევს (არ თრთის, არ კაშკაშებს, არ მოძრაობს, არ... არ... არ...) ცის კამარაზე!"
• არაფრისაგან ყველაფერს ქმნიან: სიყვარულს, ოცნებას, ბედნიერებას, იმედს, რწმენას... 
• ქალს შეუძლია არაფრისაგან შექმნას სალათი და ”ტყუილი” სუფი.
• ქალს შეუძლია დედამიწამ მის გარშემო იბრუნოს!
• ქალს შეუძლია ჩვეულებრივი მამაკაცი გმირად აქციოს, გმირი კი მიწაზე დაანარცხოს!
• ქალს შეუძლია ცივ ქვაზე დაგასახლოს, და ასევე წარმატებით ცივ ქვაზე დაგსვას.
• ქალს შეუძლია არაფრისგან ყველაფერი შექმნას და ყველაფერი არარაობად აქციოს. 
• ქალი ბუღალტერივითაა, მას შეუძლია კაცი ააშენოს, ან დააქციოს!
• ქალმა თუ ნამდვილ ქალად იგრძნო თავი, სასწაულების მოხდენა შეუძლია!
• ქალს შეუძლია ჩაგეხუტოს და იმუნიტეტი გაგიძლიეროს.
• ქალს ასევე წარმატებით შეუძლია იმუნიტეტი დააკარგვინოს მამაკაცს გარკვეულ სიტუაციაში.
• ქალს შეუძლია ნებისმიერი მამაკაცი აცდუნოს! 
• ქალს რა არ შეუძლია?!
• ქალს ყველაფერი შეუძლია, მაგრამ მამაკაცზეა დამოკიდებული თავის უნარებს სასიკეთოდ დახარჯავს თუ საბოროტოდ!
• შენ სუსტი სქესი ეძახე და...
• ქალს შეუძლია მთვარეზე გაგაფრინოს.
• მამაკაცზეა დამოკიდებული რას შეძლებს ქალი.
• ქალს შეუძლია გული საბოლოოდ აგიჩუყოს.
• ქალს შეუძლია სიამით, სინაზით და სიყვარულით აგავსოს.
• ქალს ყველაფერი შეუძლია თუ გვერდით ღირსეული მამაკაცი ჰყავს.
• ქალს შეუძლია თავი არასოდეს დაგავიწყოს.
• ქალს შეუძლია არაფრისაგან ისტორია შექმნას.
• ქალს შეუძლია "აგაგდოს".
• ქალს შეუძლია კამათი თვალსა და ხელს შუა ლხინად გადააქციოს და პირიქით, ლხინი - დაუსრულებელ კამათად.
• ქალს შეუძლია თავისი სისუსტით ყველაზე ძლიერ ვაჟკაცსაც კი აჯობოს.
• ქალს შეუძლია ჯერ ააღელვოს მამაკაცი, მერე კი დაამშვიდოს.
• ქალს შეუძლია მთელი ცხოვრება ოცნებებში გაგატარებინოს.
• ფაქტია, ქალს შეუძლია არაფრისაგან მაგარი თემა ააგოროს.

ეს ჩვენი შეგროვებული მარგალიტებია, იმედია კარგი განწყობა შეგიქმენით. აქვე შეგიძლიათ თქვენი აზრებიც დაამატოთ.

ავტორი: ემილი.