მილანში მოდის კვირეულზე ბრენდმა Alberta Ferretti  წარმოადგინა თავისი ახალი კოლექცია - შემოდგომა-ზამთარი 2013-2014.

ეს ბრენდი გამორჩეულია იმით, რომ ყოველთვის ხაზს უსვამს ქალის ფაქიზ აგებულებას, მის  სინაზეს, კდემამოსილებასა და კეთილშობილებას. ამ მხრივ არც ახალი კოლექცია ყოფილა გამონაკლისი. პოდიუმზე მონარნარე მოდელებმა წარმოგვიდგინეს ძალიან მგრძნობიარე ქალურ სტილში გადაწყვეტილი კაბები. აქ ნახავდით როგორც ყოველდღიურ, ასევე საღამოს კაბების ვარიანტებს.

წარმოდგენილი ვარიანტებიდან რთულია რომელიმე ერთის გამოყოფა, რადგან ყოველი მათგანი განურჩევლად სტილისა, გამოიყურებოდა ერთნაირად ლამაზად და მდიდრულად. ფერთა გამა იყო მრავალფეროვანი, ასევე მრავალფეროვანი იყო მასალისა თუ შესრულების სტილი. მრავლად იყო ნაქარგები, ბისერები, რუშები და მიუხედავად ამ მორთულობებისა, ადგილი არ ჰქონია გადატვირთვას. ყელაფერი გახლდათ ფაქიზად და დახვეწილად შერწყმული და ეს კიდევ უფრო მეტ ელეგანტურობას ანიჭებდა თითოეულ კაბას. ამავე დროს სრულიად შეესაბამებოდა შემოდგომა-ზამთრის თემატიკას.

ავტორი: ემილი