ავტორი: Nino Jackson.

2014-12-10.

ზამთრის მოდა - 2014-2015 წლის კოლექციებიდან.

2015 წლის შემოდგომა-ზამთრის კოლექცია საკმაოდ საინტერესოა - მრავალფეროვანი და დახვეწილი. მოდაშია ძირითადად ბუნებრივი მასალები. საინტერესო კი ისაა, რომ რამოდენიმე სახის აფსოლიტურად ერთმანეთისგან განსხვავებული ფაქტურის მქონე მასალა ისე ჰარმონიულადაა ერთმანეთთან შერწყმული, რომ გეგონებათ ერთმანეთისთვის იყოს შექმნილი.  წელს მოდაში იქნება როგორც ნაქსოვი ზედები , ასევე ბეწვით გაწყობილი ნივთები, ელეგანტური კაბები, ორიგინალური გრძელი მოსასხამები...  მოკლედ,  „გაგონილს ნანახი ჯობიაო" და თავადვე იხილეთ.

2015 წლის ზამთარში მოდური იქნება მინი ქვედაბოლოები და ტრაპეციული ფორმის კაბები პასტელის ფერებში.  ეს პალიტრა კიდევ ერთხელ ხაზს უსვამს  მოხდენილ და კოხტა სილუეტს, რომელიც ერთი შეხედვით „თოჯინებების სტილს" მოგვაგონებს და გვამოგზაურებს სამოციანი წლების ლონდონში.

ასევე მოდის ტენდენციებში იქნება ეს ერთობ უცნაური ნაქსოვი სამოსი. გრძელი ნაქსოვი ზედა, რომელიც შეგიძლიათ ასეთივე ნაქსოვ შარვალთან ან სხვა აქსესუარებთან შეახამოთ. დიზაინერები ამ შემთხვევაში უფრო ნაზ ფერთა გამას გვირჩევენ.

აქტუალობას არ კარგავს შავი ფერი და კლასიკური სტილი. დიზაინერებს წარმოდგენილი ჰქონდათ დახვეწილი კლასიკური პალტოები და კაბები რომელთაც შერჩენილი ჰქონდათ კლასიკური პეწი და ამასთანავე შესრულებული იყო ახალი შტრიხებით, რაც განუმეორებელ ელფერს აძლევდა მათ.

მოდაში იქნება სხვადასხვა ორნამენტებით გაფორმებული ნაქსოვი, ტანზე მომდგარი ზედები ტყავის ქამრითა და სხვა აქსესუარებით.

დიზაინერების შთაგონება დაუპყრია ბეწვეულს, სურათზე ნათლად ვხედავთ ბეწვით გაწყობილ ქურქებს. დიახ, ეს წლევანდელი მოდის ტენდენციაა და საკმაოდ მდიდრულად და არაორდინალურადაც გამოიყურება. როგორც ხედავთ, ბეწვეულში მკვეთრი ფერები ჭარბობს, მაგრამ ისინი ერთმანეთს ხელს არ უშლიან რადგან მიუხედავად მკვეთრი გადასვლებისა, ფერები კარგად ეხამება ერთმანეთს.

მოდაში შემოდის დიდი ზომის, გრძელი ქურთუკები, რომლებიც თქვენს წინაშეა:

როგორც ჩანს, Saint Laurent-ს, Prada-ს, Chloé-ს და Moschino-ს ოქროს ციებ-ცხელება დაატყდათ თავს., მათ კოლექციაში ოქროსფერი საკმაოდ ფართოდ იყო გამოყენებბული, 2015 წელს ოქროსფერი მოდაში იქნება.

ასევე 2015 წლის მოდის ტენდენციებში გვხვდება ცოტა უჩვეულო რამ - ნაზი, ჰაეროვანი ბუმბულები რომლებიც ამშვენებენ სხვადასხვა სამოსს და უფრო გლამურულს ხდიან მას.

Fendi-დან Miu Miu-მდე არ გამორჩენია არც ერთ დიზაინერს მხედველობის არიდან ათლეტური ცოტა სპორტული სტილის ტანისამოსი, რომელიც დიდი პოპულარობით სარგებლობს. ამ სტილის არჩევის  შემთხვევაშიწელს  მოდური იქნება ისეთი ფერები, როგორიცაა წითელი, ლურჯი და შავი.

რაც შეეხება კაბებს, დიზაინერთა შთაგონება აქ რეალურ სამყაროს გაცდა, მოდური იქნება ზღაპრული, მორთული კაბები, პოეტური სილუეტები შექმნილია ნაზი ქსოვილისგან. მათში გამოწყობილი ქალბატონები მოგაგონებთ პერსონაჟებს ძველი ზღაპრებიდან, ეს ტენდენცია შეინიშნებოდა Dolce & Gabbana-ს, Alexander McQueen-სა და Valentino-ს კოლექციებში.

მოდაში იქნება კლასიკური პიჯაკები, რომელთაც შეგიძლიათ შეუხამოთ შარვალი გაშვებული ბოლოებით. პიჯაკების უმრავლესობა გადაწყვეტილია მამაკაცის სტილში.  თავადვე ნახეთ და შეაფასეთ.

2015 წელს მოდის ინდუსტრიას დაამშვენებს სამხედრო სტილის ტანისამოსი, რომელიც შთაგონების წყარო გამხდარა ისეთი ბრენდებისთვის როგორიცაა Balmain, Calvin Klein, Isabel Marant.Vivienne Westwood, Alberta Ferretti და Paul & Joe.

2014-2015 წელს აქცენტი კეთდება არა ტყავის ფაქტურიან სამოსზე, არამედ დუტის ქურთუკებზე , შარვლებზე და სხვა სახის სამოსზე, მოკლედ რომ ვთქვათ, წელს დუტი მოდაშია.

დიზაინერებმა მოდის კვირეულზე წარადგინეს შავი და თეთრი ზოლებით გაფორმებული ნამუშევრები, რომლებიც ოპტიკური ილუზიებს და ჰიპნოზურ გამოსახულებებს ქმნიდნენ.

წელს მოდის ტენდენციაა კაპიუშონიანი მოსასხამები და სხვადასხვა სახის ქუდები.

ასევე მოდაშია ვილვეტისაგან შეკერილი ტანისამოსი. რომელსაც ფოტოზე ხედავთ.

2014-2015 წლის ნამუშევრებში მრავლად იყო ლეოპარდხის ბეწვის მსგავსი ქსოვილებით შექმნილი შედევრები. „რომ არ ყოფილიყო ლეოპარდი, ვის მოუნდებოდა საერთოდ აქ ყოფნა?" უთქვამს Diana Vreeland-ს ლეოპარდების შესახებ, წელს ლეოპარდმა მოიცვა ისეთი ბრენდები, როგორებიცაა :  Céline, Giorgio Armani, Givenchy Gucci, Saint Laurent და Balmain.

აქტუალურია ასევე ბორდოსფერი, იასამნისფერი, ყვითელი, ნარინჯისფერი, ყავისფერი, მონაცრისფრო, მომწვანო ფერები. დიზაინერები გვირჩევენ, რომ ამ ფერების გამოყენებისას ვეცადოთ არ ავაჭრელოთ სამოსი. მეტი ელეგანტურობისთვის უმჯობესია, ისინი მხოლოდ ერთ ფერში იყოს შესრულებული.