ვერძი. ეს დღე დიდ გარდაქმნებს გპირდებათ. მეტი სიმძაფრით ეს პირად ცხოვრებაში გამოვლინდება. მარტოხელა ვერძებს გეძლევათ შანსი შეხვდეთ ადამიანს, რომელიც გადამწყვეტ მოქმედებებს შეასრულებს თქვენს მომავალ ცხოვრებაში და შესაძლოა, ეს ურთიერთობა ქორწინებითაც კი დაგვირგვინდეს. დაქორწინებულ წყვილებს კი, პირიქით, რთული პერიოდის გადატანა მოგიწევთ, რაც თქვენს ურთიერთობას სიმყარეზე გამოცდის.

კურო. ხელსაყრელი დღეა ნებისმიერი საქმის დასაწყებად, სასაუბროდ, ოჯახური ურთიერთობებისთვის. მანდილოსან კუროებს სასიამოვნო სიურპრიზები და მოულოდნელი ნაცნობობა გელით. ხელსაყრელი იქნება სხვადასხვა სახის საყიდლები. შეგიძლიათ დაკავდეთ მკურნალობით და სხვადასხვა სახის დაავადებათა პროფილაქტიკით. მამაკაც კუროებს ვარსკვლავები პირად ცხოვრებაში ცვლილებებს უწინასწარმეტყველებენ. თუმცა ეს არ უნდა გაღელვებდეთ მაშინაც კი, თუ ერთი შეხედვით უცნაურად და გაუგებრად მოგეჩვენებათ.

ტყუპები. ამ დღეს თქვენი ფინანსური საკითხები თავისთავად მოგვარდება. პროფესიულ საქმიანობაში ცოტაოდენი ცვლილებებია მოსალოდნელი. შეეცადეთ თავი აარიდოთ კონფლიქტურ სიტუაციებს სამსახურში. თუ ვინმე მაინც მოახერხებს თქვენს ჩართვას კამათში, ნუ აუწევთ ხმას. გზაზე სიფრთხილე გამოიჩინეთ, - სხვადასხვა სახის ტრავმების მიღების საშიშროება არსებობს.

კირჩხიბი. ამ დღეს უფრო მეტად გჭირდებათ მოდუნება და დასვენება. თუ დღეს მუშაობთ, შეეცადეთ უბრალოდ გამონახოთ დრო ზარმაცობისთვის. წამოწექით დივანზე და წაიკითხეთ წიგნი ან ტელევიზორს უყურეთ. საღამოს უმჯობესია სახლიდან არ გახვიდეთ.

ლომი. კარგი პერიოდია დიდი ხნის ოცნების განსახორციელებლად. მაგრამ სანამ ამას გააკეთებდეთ, კარგად მოიფიქრეთ ყველაფერი. არ ღირს წარსულ მარცხზე სინანული, მშვიდად და დაგეგმილად შეუდექით თქვენს საქმეს. ზოგიერთ ამ ნიშნის წარმომადგენელს სიურპრიზი ელის, მოსალოდნელია ხელის თხოვნა მისგან, ვისაც დიდი ხანია მოსწონხართ.

ქალწული. ძალიან ხელსაყრელი დღე გელით მანდილოსან ქალწულებს. სავარაუდოდ ზოგიერთი თქვენგანი შეხვდებით ადამიანს, ვისაც მომავალ ცხოვრებას დაუკავშირებთ. დღევანდელმა მოვლენებმა შესაძლოა სერიოზული გავლენა მოახდინოს მამაკაცი ქალწულების მსოფლმხედველობასა და ცხოვრებისეულ პრინციპებზე. ზოგიერთს საქმიანობის სფეროს შეცვლის და საკუთარი შესაძლებლობების გამოვლენის საშუალებაც შეიძლება მოგეცეთ.

სასწორი. დღეს ძალიან რთული იქნება კონფლიქტების თავიდან აცილება. ნერვები დაწყვეტაზე გექნებათ. შეეცადეთ მეტი დრო გაატაროთ მარტო. ურთიერთობები მინიმუმამდე დაიყვანეთ. უარის თქმა გმართებთ ალკოჰოლზე და ჭარბ კვებაზე. საკუთარ მეორე ნახევრს კი, უმჯობესია, საერთოდ არ შეხვდეთ.

მორიელი. იყავით ყურადღებიანი და ფრთხილი, ნუ ჩაერთვებით კამათში და ნუ წამოიწყებთ ავანტიურებს. გაუფრთხილდით საკუთარ ნერვულ სისტემას. ნუ გაასესხებთ ფულს, სავარაუდოდ მას უკან ვეღარ დაიბრუნებთ ან დიდი ხნით მოგიწევთ ლოდინი. უმჯობესია ეს დღე ახლობელ და საყვარელ ადამიანებთან ბუნებაში გაატაროთ და კარგად დაისვენოთ.

მშვილდოსანი. ვერც დალაგება და ვერც სხვა საშინაო საქმეები ვერ შეგივსებენ სიცარიელეს. შესაძლოა ეს უფერული და ცივი ამინდების გამო ხდება. შეეცადეთ პოზიტიურად განეწყოთ. მალე გამოიდარებს.

თხის რქა. სეზონის დადგომასთან დაკავშრებით აუცილებელია ჰობი და გატაცებები შეიცვალოთ. საღამოს მეგობრებთან ერთად შეიკრიბეთ და დაგეგმეთ დასვენების დღეები.

მერწყული. დღეს შესაძლოა წარსული წამოგეწიოთ, მაგრამ ნუ დაღონდებით - თქვენ მას მარტივად გაუმკლავდებით. ნუ დაიწყებთ ახალ საქმეს და ნუ გააჩაღებთ რომანს მეორე ნახევრის ზურგს უკან - ეს ცუდად დასრულდება. საღამო ოჯახთან ერთად გაატარეთ.

თევზები. მეგობრული ურთიერთობები კმაყოფილებასა და ახალ შთაბეჭდილებებს მოგიტანთ. რაც მეტი მეგობრის თავმოყრას შეძლებთ, მით უფრო მხიარულად გაატარებთ დღეს და მთელი კვირის სამყოფი ენერგიითაც დაიმუხტებით.

ავტორი: ემილი.

2021-03-21.

წყარო