როგორც იქნა მოვიდა ნამდვილი გაზაფხული! (ხვალ თუ ისევ იწვიმა, სიტყვები უკან მიმაქვს) და სულ უფრო და უფრო გვინდება მსუბუქი, ,,საზაფხულო,, საკვები. 

ზამთრისგან ნაბოძები ზედმეტი კილოგრამების დასაკლებად და ორგანიზმის ვიტამინებისაგან შესავსებად, არაჩვეულებრივი საშუალებაა ბოსტნეულის სალათები.
გთავაზობთ ერთ-ერთის რეცეპტს

მასალა:
მრგვალი ბრინჯი: 400 გრამი
პომიდორი: 4ცალი
კიტრი: 2 ცალი
ბულგარული წიწაკა: 1 ცალი წითელი, 1 ცალი მწვანე
ხახვი: 1 ცალი მცირე, ზომის
ლიმონი 1 ცალი
ქიშმიში: 200 გრამი
ზეითუნის ზეთი: 3 ს.კ.
ქინძი/რეჰანი 1 კონა
მარილი

მომზადების წესი

გათლილი კიტრი, პომიდორი და ბულგარული წიწაკა დაჭერით კუბიკებად და აურიეთ ერთმანეთს. დაამატეთ წვრილად დაჭრილი ხახვი, რეჰანი და ქინძი. შეურიეთ ქიშმიში.

მარილიან წყალში მოხარშეთ ბრინჯი, გადაწურეთ და ცივი წყალი გადაავლეთ. გაგრილებულ ბრინჯს შეურიეთ წინასწარ დაჭრილი ბოსტნეულის ნაკრები. კარგად აურიეთ.

1 ლიმონის წვენი და ზეითუნის ზეთი აურიეთ ერთმანეთში და სალათას მოასხით. კვლავ აურიეთ. მარილი გემოვნებით.

ეს სალათა ძალიან გემრიელია და რაც მთავარია ვიტამინებითაა სავსე.
გემრიელად მიირთვით.