ინგრედიენტები:

საქონლის (ხბოს) ხორცის ფარში _ 1 კგ.
ხახვი _ 1 ც. (დიდი ზომის) წვრილად დაჭრილი.
ბადრიჯანი _ 12 ც.
ოხრახუში 1 კონა წვრილად დაჭრილი.
ზეთი _ 1 ჩ/ჭ.
პომიდორი _ 500 გრ. წვრილად დაჭრილი.
დარიჩინი და მუსკატი _ 0,5 ჩ/კ დაფქული.
კარაქი 50 გრ.
მარილი და შავი პილპილი გემოვნებით.

ბეშამელისათვის:
რძე _ 1 ლ.
ფქვილი _ 6 ს/კ.
კვერცხის გული _ 1 ც.
კარაქი _ 2 ს/კ.
მარილი, პილპილი და ცოტაოდენი მუსკატი.

ბეშამელის მომზადება:
ჩავასხათ ქვაბში რძე, დავამატოთ ფქვილი, სათქვეფით ავურიოთ, რომ ფქვილი კარგად გაიხსნას და განუწყვეტელი მორევით მივიყვანოთ ადუღებამდე, დავუმატოთ კარაქი, მარილი, პილპილი. გადმოვდგათ ცეცხლიდან და გავაცივოთ. შემდეგ შევაზილოთ კვერცხის გული, მუსკატის კაკალი და გავთქვიფოთ.

მუსაკას მომზადების წესი:

დავჭრათ გრძლად ბადრიჯნები, დავამარილოთ, ნახევარი საათით გავაჩეროთ, გავრეცხოთ, გავწუროთ და შევწვათ ზეთიან ტაფაზე. ქვაბში ჩავასხათ 5 კოვზი ზეთი, და მოვშუშოთ მასში წვრილად დაჭრილი ხახვი. დავამატოთ ფარში და გავაგრძელოთ მოშუშვა 10 წთ. შემდეგ დავამატოთ დაჭრილი პომიდორი. ჩავაყაროთ სანელებლები, მარილი და პილპილი. დავტოვოთ ნელ ცეცხლზე სანამ წვენი არ ამოშრება. აჩმის ტაფაზე დავაწყოთ შემწვარი ბადრიჯნები (ნახევარი) 1 ფენად. მოვაყაროთ წვრილად დაჭრილი ოხრახუში, შემდეგ მასზე გავშალოთ ფარში, ზემოდან დავაფინოთ დარჩენილი ბადრიჯნები. თავზე მოვასხათ ბესამელის კრემი, კარგად გავანაწილოთ. 50 გრ კარაქი დავჭრათ წვრილად და მოვაწყოთ ზემოდან. შევდგათ ღუმელში 45-60 წთ. კარგად რომ შეწითლდება, გამოვიღოთ ღუმელიდან, დავჭრათ ოთხკუთხედ ნაჭრებად, დავაწყობთ თეფშებზე და სუფრაზე მიტანის წინ თავზე მოვაყაროთ ცოტა დაჭრილი ოხრახუში.

ავტორი: ემილი (ლალი ნოზაძის რეცეპტებიდან)