მეგობრებო, დღეიდან პერლა იწყებს კვირის მანძილზე მომხდარი მოვლენების მიმოხილვას. შევეცდები, ბევრი საინტერესო ამბავი გიამბოთ.

• გუშინ, ევროპის ლიდერები ბრიუსელში შეიკრიბნენ და ერთხმად გადაწყვიტეს, რომ იაპონიისაგან წამოსული რადიაციული ღრუბლისათვის ხელი შეეშალათ. ბელგიაში უკვე დაფიქსირდა რადიაციული წვიმა. ბელგიის, საფრანგეთის, იტალიისა და გერმანიის მთავრობებმა მიიღეს გადაწყვეტილება, 3 თვის მანძილზე ქვეყანაში წვიმა აკრძალონ. 3 თვის შემდეგ კი რადიაცია გაუვნებელყოფილდება. წვიმის შესაჩერებელი სპეციალური შაშხანები ევროპის ქვეყნებს კონგოს მთავრობამ მიაწოდა.

• გუშინ, საფრანგეთის პრეზიდენტი ნიკოლა სარკოზი იაპონიის დელეგაციას შეხვდა და მათ დახმარება აღუთქვა. გარდა ფინანსური დახმარებისა, ფრანგმა მეცნიერებმა იაპონიის დასახმარებლად გამოიგონეს შამპუნი, რომლის გამოყენების შემდეგ რადიაციის ზემოქმედების დონე ნულამდე ეცემა. შამპუნის გამოყენების წესში ისიცაა მითითებული, რომ თუ ქოლგას შამპუნიანი წყლით დავასველებთ, რადიაციული წვიმაც უსაფრთხო გახდება.

• სოფლის მეურნეობის მინისტრმა, კანადის მთავრობისაგან საჩუქრად 20 ტრაქტორი მიიღო. ,,ეს ჩვენი მხრიდან ხელშეწყობა იქნება თქვენი ქვეყნის სოფლის მეურნეობის წინსვლისა და განვითარებისათვის, მითუმტეს, რომ საქართველოს დიდი რესურსი გააჩნია აგრარული თვალსაზრისით,, განაცხადა კანადის ელჩმა საქართველოში ლუი ვოლნერმა. ტრაქტორები პირველ ეტაპზე თბილისს, ქუთაისსა და ბათუმს შორის განაწილდება, შემდეგ ეტაპზე კი ტრაქტორი ყველა სოფლამდე მიაღწევს.

• გუშინ, ფინანსთა სამინისტრომ ეროვნულ ბანკთან შეთანხმებით მიიღო გადაწყვეტილება, რომ ინფლაციის მაღალი მაჩვენებლის გამო, მიმოქცევიდან ამოიღონ 200 ლარიანი კუპირები. იმ პირებს, ვისაც 5 ზე მეტი 200 ლარიანი კუპიურა აღმოაჩნდება, შეუძლიათ მიიტანონ ,,ლიბერთი ბანკის,, რომელიმე ფილიალში და მას 20 ცალ სასურსათო ვაუჩერში და 8 ცალ 50 ლარიან კუპიურაში გადაუცვლიან.

• ლტოლვილთა და განსახლების მინისტრის გადაყენების საკითხის დაყენებას პრეზიდენტი გამოეხმაურა. როგორც პრეზიდენტის პრეს სპიკერმა, მანანა მანჯგალაძემ განაცხადა, პრეზიდენტი ითვალისწინებს ოპოზიციის დაჟინებულ მოთხოვნას და ლტოლვილთა და განსახლების მინისტრის პოსტზე ნინო ბურჯანაძისა და დავით აქუბარდიას კანდიდატურას სთავაზობს პარლამენტს განსახილველად. ამ ფაქტს გამოეხმაურა თავად მინისტრი, კობა სუბელიანი და ოპოზიციას შესთავაზა, მე და სოფლის მეურნეობის მინისტრი ადგილებს გავცვლით და იქნებ ჯობდეს ასე მოვაგვაროთ ორივე პრობლემაო. ეს საკითხი პარლამენტში, ალბათ, დღევანდელ პლენარულ ხდომაზე განიხილება

• კრასნოდარის მხარის, კვლევითი ინსტიტუტის მეცნიერ-თანამშრომელმა, ვლადიმერ ნედაუჩამ 3 წლიანი მუშაიბის შემდეგ საზოგადოებას წარუდგინა ფრინველების საკვები, რომლის მირების შემდეგ, ქათამი წითელ კვერცხს დებს. გამოგონებას მიესალმა ქვეყნის ხელისუფლებაც. პირველ ეტაპზე გამოიყო თანხა საკვების წარმოებაში გასაშვებად. იმის გამო რომ ეს ძვირი სიამოვნებაა, ჯერ მხოლოდ დედლებს გამოკვებავენ. თუ კვლევით ინსტიტუტს სპონსორი გამოუჩნდა, საკვები მალე მამლებისთვისაც გახდება ხელმისაწვდომი და ექსპორტზედაც დაიწყებენ ფიქრს.

და ბოლოს: როგორც ცნობილი გახდა, 2012 წლის კატასტროფა 1 იანვარს არ მოხდება, როგორც ეს მაიას ტომების კალენდარში იყო მითითებული. მექსიკაში მდებარე რადიო ობსერვატორიის ,,არისიბოს,, თანამშრომლები, დიდი ხნის დაკვირვებისა და უზუსტესი გამოთვლების შემდეგ მივიდნენ დასკვნამდე, რომ 2012 წლის 1 იანვარი მშვიდობიანად ჩაივლის. სამაგიეროდ, 2012 წლის 1 აპრილს ციური ობიექტი (შავი ხვრელი) RN apophis 1283, ახლოს ჩაუქროლებს დედამიწას და წარიტაცებს ატმოსფეროს 35-45%. იგივე შედეგი მიიღეს რუსული რადიოტელესკოპის, Ratan 600-ის რადიოასტრონომებმაც. მეცნიერები მოსახლეობას ურჩევენ, გავიდნენ სუფთა ჰაერზე და ღრმად ისუნთქონ, დღეს ხომ პირველი აპრილია!

ყველაფერი რაც ზემოთ წაიკითხეთ, უკავშირდება პირველ აპრილს.