ჩვილ ბავშვთა ცხოვრების პირველ თვეებში მხოლოდ ძუძუთი კვება დადებითად მოქმედებს მათ გონებრივ განვითარებაზე. ამ დასკვნამდე მივიდნენ კანადელი მეცნიერები მაკგილის უნივერსიტეტიდან. ისინი დაკვირვებას აწარმოებდნენ თითქმის 14000 ჩვილ ბავშვზე. კვლევები მაიკლ კრამერის ხელმძღვანელობით მიმდინარეობდა 90-იან წლებში ბელორუსიის სამშობიარო სახლში. დაახლოებით ნახევარ დაწესებულებას მიჰყავდა პროგრამა მხოლოდ ძუძუთი კვებისა, თანაც ცდილობდნენ, რაც შეიძლება ხანგრძლივი დროით ყოფილიყო ჩვილი ასეთ კვებაზე. დანარჩენები უცვლელად აგრძელებდნენ თავიანთ ძველ პრაქტიკას. ბავშვების ინტელექტუალური მონაცემების შემოწმება-შეფასება ტარდებოდა 6 წლის ასაკში.

გაირკვა, რომ ბავშვებს, რომლებიც იმყოფებოდნენ მხოლოდ ძუძუთი კვებაზე, როგორც მინიმუმ, პირველი 3 თვემდე, წარმოაჩინეს უკეთესი შედეგები შემეცნებითი უნარების ტესტებში. ვერბალური ინტელექტის ტესტებში მათ აჩვენეს საშუალოდ 7,5 ქულით მეტი (100 ბალიან შეფასების სისტემით), არავერბალური ინტელექტის ტესტებით - 2,9 ქულით მეტი, და საერთო ინტელექტი - 5,9 ქულით მეტი. გარდა ამისა, ამ ჯგუფის ბავშვებს გაცილებით უკეთ შეეძლოთ წერა და კითხვა, ვიდრე საკონტროლო ჯგუფის ბავშვებს - აცხადებდა კრამერი.

მეცნიერების გადმოცემით, დღესდგეობით არ არის ცნობილი, კონკრეტულად რასთანაა დაკავშირებული ჩვილ ბავშვთა ძუძუთი კვების დადებითი გავლენა მათ ინტელექტზე. ეს ეფექტი შეიძლება აიხსნას დედის რძის შემადგენელი კომპონენტების მოქმედებით ან ფიზიკური და სოციალური ფაქტორებით, რაც წარმოიშობა დედისა და ჩვილის კონტაქტის დროს ძუძუთი კვების პროცესში.

ავტორი: ემილი.