კალიფორნიის უნივერსიტეტის მეცნიერებმა გამოიკვლიეს, როგორ იზიდავს კვერცხუჯრედი სპერმატოზოიდებს და გააკეთეს აღმოჩენა, რომელიც გვპირდება ახალ პერსპექტივებს არაჰორმონალური კონტრაცეპტივების შექმნაში.

კვლევების მსვლელობისას მათ ამოიცნეს "ფერტილური მიზიდულობის" სიგნალი კვერცხუჯრედსა და სპერმატოზოიდს შორის. ლაბორატორიულმა ექსპერიმენტებმა აჩვენეს, რომ ჰორმონი, რომელიც გამოიყოფა განაყოფიერებისათვის მზადმყოფი კვერცხუჯრედიდან, მოქმედებს, როგორც სიგნალი. ამ სიგნალის მიღებისთანავე სპერმატოზოიდები წამზე უსწრაფესად რეაგირებენ და იწყებენ მოძრაობას კვერცხუჯრედისაკენ.

მეცნიერებმა ჩაატარეს მთელი რიგი ექსპერიმენტები თაგვებზე ადამიანის სპერმატოზოიდების გამოყენებით, რომ დაედგინათ, რა სახით აგნებენ განაყოფიერებისათვის მომზადებულ კვერცხუჯრედს სპერმატოზოიდები. მათ შეამოწმეს ელექტრონული ტალღა, რომელიც უზრუნველყოფს სპერმატოზოიდის კუდის წრიული მოძრაობით გადაადგილებას კვერცხუჯრედისაკენ. როდესაც სპერმატოზოიდები მიიღებენ ჰორმონი - პროგესტერონის დოზას, რომელიც გამოემართება კვერცხუჯრედის გარშემო მდებარე უჯრედებიდან - ელექტრონული იმპულსი იზრდება და სპერმატოზოიდების კუდები იწყებენ უფრო სწრაფად მოძრაობას. კუდების სწრაფი მოძრაობა ეხმარება მათ შეაღწიონ კვერცხუჯრედში, რასაც მიჰყავს ის განაყოფიერებამდე.

ახალი აღმოჩენა აჩვენებს, რომ არსებობს შესაძლებლობა ახალი არაჰორმონალური კონტრაცეპტივების შემუშავებისა, რომლებიც შეძლებენ "გათიშონ" კვერცხუჯრედიდან გამოგზავნილი სიგნალი.

თუმცა ტრადიციული მეთოდი კონტრაცეპციისა ამ დროისათვის საკმაოდ გამოცდილი და უსაფრთხოა, მაგრამ მათ მაინც შეუძლიათ დააყენონ რისკის ქვეშ წარმოშობა რამოდენიმე სახის კიბოსა და გულ-სისხლძარღვთა დაავადებისა. ამიტომ ეს უკანასკნელი აღმოჩენა შეიძლება დაეხმაროს ახალი ჩასახვის საწინააღმდეგო პრეპარატების შემუშავებას რომლებიც მეტად უსაფრთხო იქნებიან, როგორც კერძოდ განაყოფიერების საკითხში, ასევე საერთოდ ჯანმრთელობისათვის.

ავტორი: ემილი.