დიდი ხანია მიწვეული ხარ საღამოზე,  შენ კი ახლა მოიცალე იმისათვის, რომ შესაბამისი სამოსი შეარჩიო? მაშინ გაითვალისწინე რამდენიმე რჩევა და ეს დღე შენთვის დაუვიწყარი გახდება.

იმისათვის, რომ ქალმა ლამაზად და თავდაჯერებულად იგრძნოს თავი, მნიშვნელოვანია მოხდენილი და კომფორტული სამოსი ეცვას. დაიმახსოვრეთ, კაბის სიძვირე არ არის იმისი გარანტია, რომ საღამოს დედოფლად იქცევით.

მიუხედავად იმისა, რომ საღამოს კაბა არ არის გათვლილი იმისათვის, რომ მასში თავი ისე იგრძნოთ, როგორც ჯინსის შარვალსა და მაისურში, მაინც გასათვალისწინებელია, რომ სილამაზისათვის გაუმართლებელ მსხვერპლზე წასვლა არ ღირს. როდესაც არაკომფორტულად გრძნობთ თავს, ლამაზად ვერ იქნებით. თუ რაიმე  გზღუდავს და გაწუხებს, ეს გამომეტყველებაზედაც აისახება. აბა რა არის ქალის სილამაზე, თუ ულამაზესი კაბიდან, შეწუხებული და უსხივო გამომეტყველება შემოგცქერის?

დიდი შანსია საღამოზე ახალი ნაცნობები შეიძინოთ. გაცნობაზე ან ცეკვაზე შემოთავაზებაც მიიღოთ. ამიტომ, ამისათვისაც მზად იყავით. კაბა არ უნდა იყოს ერთ ადგილზე დასკუპებისათვის გათვლილი და თავისუფლად მოძრაობას და ცეკვას არ უნდა ზღუდავდეს.

ყურადღება მიაქციეთ სტილსაც. გაითვალისწინეთ საღამოს ტიპი და ხასიათი, რათა შეუფერებლად არ გამოიყურებოდეთ.

მაშ ასე, გთავაზობთ რამდენიმე მოდელს. შეარჩიეთ თქვენთვის სასურველი სტილი. სასიამოვნო საღამოს გატარებას გისურვებთ.