ქალებს ყოველთვის გვაღელვებს ჩაცმის საკითხი. განსაკუთრებით სადღესასწაულო დღებში. ყველაზე დიდი დღესასწაული კი ახალი წელია, რომელიც კარს მოგვდგომია და სულაც არაა საკვირველი, რომ სუსტი სქესის წარმომადგენელთა მღელვარება თანდათან მატულობს. მათი რიგი არ წყდება ბუტიკებში, სალონებში... თუმცა ზოგს ბაზარში წასასვლელი ფულიც კი არა აქვს და საკუთარ გარდერობში ეძებს რაიმე მივიწყებულ ნივთს, რომელიც შეიძლება ამ ჯადოსნური დღესასწაულისთვის გამოადგეს. როგორც არ უნდა იყოს, ეცადეთ, რომ განსაკუთრებულად გამოიყურებოდეთ. პერლა კი თავის კეთილ რჩევებს არასოდეს დაიშურებს.

წელს ყველაზე აქტუალური შავი, წითელი, ოქროსფერი, ყვითელი, ნარინჯისფერი, ლურჯი ფერის სამოსია. თუ ისინი ბისერებით და მოელვარე აქსესუარებითაა გალამაზებული, კიდევ უკეთესია. ასევე მოდაშია, ტყავი და ბეწვეული. არ შეშინდეთ მკვეთრი ფერების და მასალების არჩევისას. მთავარია ბალანსი შეინარჩუნოთ და ყველაფერი ერთმანეთს შეუხამოთ. ჩვენ კი შემოგთავაზებთ მოდური სამოსის რამოდენიმე ვარიანტს, რომლის მიხედვითაც უფრო გაგიადვილდებათ არჩევანის გაკეთება.

უნდა გახსოვდეთ, რომ 2012 წელი შავი (ლურჯი) წყლის დრაკონის წელია. დრაკონი კი თქმულებების მიხედვით ძვირფასეულების მცველად მოიაზრება. აქედან გამომდინარე, მას ხიბლავ სამკაულები და ყველა ბრჭყვიალა, მოელვარე, კაშკაშა ფერის თვალისმომჭრელი ნივთები. წელს სისადავეს უარი უნდა გამოუცხადეთ. მოძებნეთ სამკაულები, რომლებიც მოგეპოვებათ და უხვად აისხით!

ყოველთვის გახსოვდეთ, რომ ქალისთვის ყველაზე მთავარი სამკაული შინაგანი რწმენაა. თავი მაღლა ასწიეთ, გაიღიმეთ და დარწმუნებული იყავით, რომ ახალი წელი თქვენთვის ბედნიერების მომტანი იქნება!

პერლა გისურვებთ ბედნიერ შობა-ახალ წელს!