ვაშლი ყველაზე ჯანსაღი პროდუქტია. ამბობენ: ის, ვინც ყოველდღე მიირთმევს თუნდაც 1 ცალ ვაშლს, ექიმი არასოდეს დასჭირდებაო.  

ვაშლის დიეტა ეხმარება ორგანიზმს ნივთიერებათა ცვლის ნორმალიზებასა და აღდგენაში. ამასთან იგი გახდომის საუკეთესო საშუალებაა. მაგრამ უნდა გახსოვდეთ, რომ დიეტის დასრულების შემდეგ ადრინდელ კალორიულ კვებას არ დაუბრუნდეთ. ეცადეთ სწორი კვების მეთოდი შეიმუშაოთ, რადგან მოსალოდნელია დიეტის შემდეგ დაკლებული წონის ორმაგად ანაზღაურება.

გირჩევთ მოაწყოთ განტვირთვის დღეები ვაშლის საშუალებით. მაგალითად, კვირაში 1-2 დღე იკვებოთ მხოლოდ ვაშლით. ყოველი განტვირთვის დღე დაგაკლებინებთ 1-1,5 კგ-ს.

ასეთი განტვირთვის დღეები კარგია ათეროსკლეროზის პროფილაქტიკისთვის და სასარგებლოა ჰიპერტონიკებისათვის.

ვაშლი ორგანიზმის განსაწმენდად საუკეთესო საშუალებაა მათთვის, ვისაც სურს მოწევას თავი დაანებოს. ასეთ შემთხვევაში 3 დღის განმავლობაში უნდა მიირთვათ მხოლოდ ვაშლი და მწვანე ჩაი.

დიეტისას გართულებები რომ თავიდან აიცილოთ, უნდა იცოდეთ რომელი ჯიშის ვაშლი მიირთვათ. მათ, ვისაც საჭმლის მომნელებელი სისტემის პრობლემები აქვთ, მჟავე ვაშლზე უარი უნდა თქვან და უფრო ტკბილი ვაშლი მიირთვან (შეიძლება ასევე აირღუმელში შემწვარი ან მოთუშული სახით მიირთვათ და არა უმად. შედეგი იგივე იქნება).

შემოგთავაზებთ ვაშლის დიეტის რამოდენიმე რეცეპტს:

1.    მთელი დღის განმავლობაში მიირთვით იმდენი ვაშლი, რამდენიც მოგინდებათ. სვით ბევრი სითხე - მინერალური წყალი, მწვანე ჩაი, ან მცენარეული ნაყენი.

2.    შეგიძლიათ ერთდროულად მიირთვათ ვაშლი და კეფირი. დღეში 5-6-ჯერ მიირთვათ 1 ცალი ვაშლი ნახევარი ჭიქა კეფირთან ერთად. დღის განმავლობაში მოგიწევთ 5-6 ცალი ვაშლი და 2,5-3 ჭიქა კეფირი. ამბობენ, რომ ასეთი დიეტა ფეხმძიმეებს ტოქსიკოზის დროს ეხმარება.

3.    6 დღიანი ვაშლის დიეტა: I დღე - 1კგ ვაშლი, II დღე - 1,5 კგ ვაშლი, III დღე - 2 კგ ვაშლი, IV დღე - 2 კგ ვაშლი, V დღე - 1,5 კგ ვაშლი, VI დღე - 1 კგ ვაშლი. 

4.    მთელი დღის განმავლობაში მიირთვით 1 ფინჯანი მწვანე ჩაი, 8 ცალი ვაშლი,  1-2 ნაჭერი შავი პური, და 200 გრამი კეფირი ან უცხიმო იოგურტი. ეს დიეტა შედარებით ადვილი შესასრულებელია, მაგრამ იმდენს არ დაგაკლებინებთ წონაში, რამდენსაც ზემოთ ჩამოთვლილი დიეტები.

პერლა გისურვებთ წარმატებებს!

ავტორი: ემილი.