მასალა:

სტაფილო - 2 ცალი
ჭარხალი - 1 ცალი
ვაშლი - 2 ცალი
ქათმის ხორცი - 0,5 კგ
მაიონეზი - 200 გრ
ნიორი - 2 კბილი
მწვანილი: ოხრახუში, ქინძი, კამა, მწვანე ხახვი.
მარილი გემოვნებით.
გასაფორმებლად: კვერცხი - 6 ცალი
პომიდორი - 3 ცალი

მომზადების წესი:

შევწვათ ქათმის ხორცი და დავჭრათ პატარა ნაჭრებად. მოვხარშოთ და გავფცქვნათ კვერცხები. სათითაოდ გავხეხოთ სტაფილო, ჭარხალი, ვაშლი (ერთმანეთს არ შევურიოთ).
დავჭრათ მწვანილი. გადმოვიღოთ მაიონეზი ისეთ ჭურჭელში, რომელშიც კარგად გავთქვიფავთ. მაიონეზს დავამატოთ გატარებული ნიორი და კარგად ავურიოთ.
ავიღოთ სალათისთვის საშუალო სიღრმის ჭურჭელი. მასში ერთ ფენად გავშალოთ ხორცი, მოვაყაროთ მარილი და წავუსვათ მაიონეზი. შემდეგ გახეხილი სტაფილო, ცოტა მარილი და მაიონეზი... ჭარხალი, ისევ მარილი და მაიონეზი, ვაშლი... მწვანილი და ა.შ ზემოდან მოვაყაროთ მწვანილი, 3 ცალი კვერცხი გამოვიყენოთ სოკოს ძირებად და ზემოდან დავახუროთ პომიდვრის ქუდები, გავუკეთოთ წინწკლები მაიონეზით. 3 ცალ კვერცხს მივცეთ კურდღლების ფორმა (როგორც სურათზეა ნაჩვენები) და სოკოების გვერდზე მოვათავსოთ.

ეს სალათა არა მარტო გემრიელი და სასარგებლოა, კურდღლის წელსაც ძალიან მოუხდება და თქვენს მენიუში გამორჩეულ ადგილს დაიკავებს.

ავტორი: ემილი.