მასალა:

ქათმის ფილე - 600 გრ.

სოკო (დაკონსერვებული) - 500 გრ.

კარტოფილი - 4 ცალი.

ხახვი - 3 თავი.

არაჟანი - 500 გრ.

ფქვილი - 2 სუფრის კოვზი.

ზეთი - 5 სუფრის კოვზი.

მარილი - გემოვნებით.

მომზადების წესი:

ქათმის ხორცი შევწვათ ზეთში, გადმოვიტანოთ ლანგარზე, გავაგრილოთ და დავჭრათ პატარა კუბებად. კუბებად დაჭრილი კარტოფილიც ასევე შევწვათ ზეთში (სახურავის გარეშე - რომ არ ჩაიშალოს). შევწვათ სოკოც და წვრილად დაჭრილი ხახვიც ცალ-ცალკე. ეს ყველაფერი მოვათავსოთ ჭურჭელში, ფრთხილად ავურიოთ და მოვაყაროთ მარილი გემოვნებით.

რამდენიმე სოკო გადადეთ ცალკე - გასაფორმებლად.

მოვამზადოთ არაჟნის სოუსი: ტაფაზე დავასხათ ცოტაოდენი ზეთი, დავაყაროთ ფქვილი და მოვშუშოთ. ფქვილი კარგად რომ მოიხალება,  ფერსა და კონსისტენციას შეიცვლის, დავამატოთ არაჟანი ნელ-ნელა და გამუდმებით ვურიოთ. გავაცხელოთ ეს მასა (ადუღება არაა საჭირო) და რომ გასქელდება, გადმოვდგათ.  დავამატოთ მარილი გემოვნებით.

ამ სოუსის 2/3 ავურიოთ ჟულიენის მომზადებულ მასალას დანარჩენი კი დავტოვოთ თავზე მოსასხმელად.

ჟულიენი შეგიძლიათ პატარა ქოთნებში მოამზადოთ პორციებად ან მთლიანად მოათავსოთ ყალიბში.

გადმოიღეთ მთელი მასალა ქოთნებში, ან ყალიბში, მოასხით თავზე დარჩენილი არაჟნის სოუსი, მოაწყვეთ ლამაზად სოკოები და შედგით საშუალოდ გახურებულ ღუმელში 30 წუთის განმავლობაში (ან მიკროტალღურ ღუმელში 10 წუთით)

თავზე რომ დაიბრაწება, თქვენი ჟულიენი მზადაა.

სუფრაზე მიიტანეთ ცხელი.

ჟულიენის კიდევ ერთი - სუფთა ფრანგული რეცეპტი:

მასალა:

ფქვილი - 3 ს/კ,
50 გრ კარაქი
500 მლ ნაღები - 50 გრ, მინიმუმ 25 % იანი ( შეგიძლიათ რძითაც შეცვალოთ )
მუსკატის კაკალი - 1/4 ჩ/კ.
მარილი და თეთრი პილპილი - გემოვნებით

ქამა სოკო - 500 გრ,
ხახვი - 1 ცალი,
კარაქი - (რაც შესაწვავად დასჭირდება)
300 გრ ყველი  - "გაუდა"

სოკო დაჭერით და მოთუშეთ ხახვთან ერთად კარაქში დაამატეთ მარილი და პილპილი.

მოამზადეთ ბეშამელის სოუსი:
კარაქში მოშუშეთ ფქვილი ოდნავ ფერის შეცვლამდე დაასხით ნაღები და წამოადუღეთ დაამატეთ მარილი და თეთრი პილპილი, დაუმატეთ მუსკატი. ნაღები რადგან ტკბილია, ცოტა მეტ მარილს მოითხოვს. 
გახეხეთ ყველი და გაყავით ორად ერთი ნაწილი შეურიეთ სოკოს

ცეცხლგამძლე ჭურჭელში მოათავსეთ სოკო შემდეგ სოუსი და ბოლოს გახეხილი ყველი

შედგით ღუმელში 200 გრადუსზე 20-25 წუთით.

ზემოდან რმ დაიბრაწება, მზადაა.

მიირთვით ცხელი.

ავტორი: ემილი