გაზაფხული დადგა და დამეთანხმებით, რომ წლის ამ პერიოდში გამომშრალი და გამოფიტული სახის კანი ყველაზე მეტად საჭიროებს მოვლას, დატენიანებას და ვიტამინებით გამოკვებას.  

გაზაფხული ალერგიების პერიოდია და ეს ბევრ მანდილოსანს დიდ პრობლემებს უქმნის კოსმეტიკური საშუალებების გამოყენების თვალსაზრისით. მკვებავი სახის კრემები, რომლებიც დღეს ბაზარზეა, სხვადასხვა ვიტამინებთან, მინერალებთან, ქიმიურ დანამატებთან და არომატიზატორებთან ერთად გაჯერებულია ასევე კონსერვანტებით, რომლებიც არც თუ ისე დადებითად მოქმედებენ თქვენი სახის კანზე. ამიტომ გირჩევთ სახლის პირობებში დაამზადოთ მკვებავი კრემი და დაახლოებით 1 თვის განმავლობაში რეგულარულად გამოიყენოთ.

ამისათვის დაგჭირდებათ:

  A და E ვიტამინი (აევიტი,Аевит, Aevit) - 10-12 კაფსულა, რომელიც იყიდება აფთიაქებში.

გლიცერინი (ან ზეითუნის ზეთი) - 50 მლ.

თაფლის სანთელი  (სახეხზე გახეხილი) - 1 სუფრის კოვზი.

მომზადების წესი:

მოათავსეთ პატარა ზომის ჭურჭელში ზეითუნის ზეთი (ან გლიცერინი), ჩაყარეთ მასში გახეხილი სანთელი და დადგით ძალიან დაბალ ცეცხლზე. თან გამუდმებით ურიეთ. როგორც კი სანთელი გადნება, გადმოიღეთ ცეცხლიდან და გააცივეთ. ვიტამინის კაფსულები გაჭერით შუაზე სათითაოდ და შიგთავსი ჩაასხით გაციებულ სანთლიან მასაში. კარგად გათქვიფეთ, მოათავსეთ შესაფერისი ზომის სახურავიან ჭურჭელში და შეინახეთ მაცივარში.

მიღებული კრემი შეგიძლიათ გამოიყენოთ 1 თვის განმავლობაში ყოველ დღე. განსაკუთრებით სასარგებლოა გამოზაფხულის პერიოდში. ეს კრემი, რა თქმა უნდა, არ წარმოადგენს მზისა და გარემო პირობებისაგან (სიცხის, სიცივის) დამცავ საშუალებას. სამაგიეროს კარგი მკვებავისა და დამატენიანებელის როლს ასრულებს და მერწმუნეთ, 1 თვის თავზე თქვენი ანარეკლი სარკიდან მადლობას გეტყვით.

ავტორი: ემილი