მასალად დაგჭირდებათ:

შავი შოკოლადი - 1 ფილა

(ან გამოიყენეთ 3 ს/კ კაკაო + 50 გრ კარაქი + 5 ს/კ შაქარი)

შაქარი - 3 ს/კ.

რძე - 0,5 ჩ/ჭ.

შვრია ("ჰერკულესის" ფანტელი) - 1 ჩ/ჭ.

ქიშმიში - 100 გრ.

ნიგოზი ან თხილი (წვრილად დაჭრილი) - 100 გრ.

ქოქოსის ბურბუშელა - 100 გრ.

მომზადების წესი: 

გავადნოთ შოკოლადი რძეში (ან კაკაოს+შაქარი+კარაქი მივიყვანოთ ადუღებამდე), თან განუწყვეტლივ ვურიოთ. გადმოვდგათ ცეცხლიდან და დავამატოთ შაქარი, შვრიის ფანტელი, ქიშმიში და დაჭრილი ნიგოზი ან თხილი. სწრაფად ამოვურიოთ. უნდა მივიღოთ ისეთი მასა, რომ მისგან ბურთულების დამრგვალება შეიძლებოდეს. მიღებული მასა შევაგრილოთ, ხელით ამოვაგუნდავოთ პატარა ბურთულებად და ამოვავლოთ ქოქოსის ბურბუშელაში.

შეგიძლიათ მიირთვათ ყავასთან ან ჩაისთან.

ავტორი: Nino Jackson.

2016-04-05.