2010 წელს, ბევრი წყვილის ბედნიერებას დაემუქრა საფრთხე. ზოგიერთის გაყრა მოსალოდნელი იყო, ზოგიერთის ნაკლებ სავარაუდო, მაგრამ, ტონი პარკერისა და ევა ლანგორიას გაყრას, ნამდვილად არავინ ელოდა. ეს ამბავი, ვარსკვლავების ცხოვრებაზე მიყურადებული ადამიანებისათვის, ნამდვილი შოკი იყო. წყვილის დაშლის მიზეზი ბანალურია. ტონიმ ევას უღალატა.. რაც ცხელსისხლიანმა ლათინოსმა, გაყრის ფასად დაუჯინა ფრანგ კალათბურთელს.

ფრანგულ-ამერიკული წყვილის ბედი, 5 წლის თანაცხოვრების შემდეგ, პლანეტის ყველაზე სექსუალურმა წყვილმა, ჰოლი ბერიმ და გაბრიელ ობრიმაც გაიზიარეს. მათ განქორწინების მიზეზად გადატვირთული სამუშაო გრაფიკი და ამის გამო, ერთმენეთის მიმართ გამქრალი სურვილი დაასახელეს. გაყრის შემდეგ, ჰოლიმ ოლივიე მარტინეზის მკლავებში გადააყოლა გული. გაბრიელმა, ეგრე არ უნდაო და კიმ კარდშიანის, მკლავებშორის ტერიტორიაზე იპოვა შვება.

კეიტ უინსლეტსა და სამ მენდესს 7 წელი უყვარდათ ერთმანეთი. მათ ვაჟიც ჰყავთ-ჯოი. თუმცა 2010 წელს წყვილმა გაყრა გადაწყვიტა. კეიტმა, გაყრის შემდეგ, ახალგაზრდა მოდელ ბიჭუნასთან დაიჭირა საქმე. ამ რომანს თავიდანვე არ უჩანდა წარმატების პირი და რამდენიმე კვირაში, კეიტი მართლაც დაშორდა ახალგაზრდა ყმაწვილს.

სანდრა ბალოკს, მას შემდეგ რაც, საუკეთესო ქალი მსახიობის ტიტული და ოსკარი მიიღო, თავი მსოფლიოში უბედნიერესი ქალი ეგონა, მაგრამ ერთ კვირაში ყველაფერი უკუღმა შემოტრიალდა და იგი მსოფლიოში ყველაზე მოწყენილ ქალად იქცა. სანდრამ შეიტყო, რომ ქმარი, ჯესი ჯეისი, რეგულარულად ღალატობდა. ამ უკანასკნელმა საჯაროდ მოიხადა ბოდიში, მაგრამ ბალოკმა მაინც გაყრა ამჯობინა. წყვილს ნაშვილები ბიჭუნა ჰყავს, რომელსაც ჯერ-ჯერობით დედასთანაა.

,,სიყვარულსა მალვა უნდაო,, თვლიდნენ სკარლეტ იოჰანსონი და რაიან რეინოლდსი და ჰოლივუდის ყველაზე მოკრძალებული წყვილის სტატუსიც ასე მიიღეს. თუმცა ამან არ უშველა და 2 წლის თავზე, ისინი გაიყარნენ. რეინოლდსმა საკუთარი ფრთებით ფრენა და უმშვენიერესი ცოლის ჩრდილიდან გამოსვლა გადაწყვიტა.