ვერძი. ამ ნიშნის წარმომადგენლებს ვარსკვლავები გირჩევენ დღეს სახლში არ დაჯდეთ, რაც შეიძლება მეტი დრო გაატარეთ სუფთა ჰაერზე. რადგანაც მოსალოდნელია, რომ სწორედ დღეს გაიცნოთ ადამიანი, რომელსაც მომავალ ცხოვრებას დაუკავშრებთ. ფინანსური მდგომარეობა სტაბილურობას გპირდებათ.

კურო. შეეცადეთ ამ დღეს ძლიერ ემოციურ რეაგირებას ნუ მოახდენთ ჭორებზე, რომლებსაც არაკეთილმოსურნენი გივრცელებენ. ნუ დაკავდებით სარისკო საქმეებით და ნუ მიიღებთ მონაწილეობას ავანტიურებში. შეეცადეთ თანამშრომლებთან არ იკამათოთ და შეინარჩუნეთ სიმშვიდე.

ტყუპები. თქვენ ყველასა და ყველაფერზე ეჭვიანობთ. ასე ნუ იძაბებით. ყველაფერი თავისთავად ხდება. თქვენ არავინ დაგაღალატებთ, უბრალოდ ასე ემთხვევა გარემოებები. 

კირჩხიბი. შემოსავალი სტაბილური გახდება. დღეს საკუთარი ინტუიცია არ დაგაღალატებთ. გაიღიმეთ მაშინაც კი, თუ საქმეები მთლად კარგად ვერ მიდის. - ასე მტრებს დააბნევთ და მოყვარეს იმედს ჩაუსახავთ.

ლომი. დაღლილობამ იმდენად შეარყია თქვენი ორგანიზმი, რომ ძალები არსებობისთვისაც კი ძლივს გყოფნით. შეეცადეთ, რაც შეიძლება სწრაფად ჩაახშოთ თქვენში ეს ნეგატიური განწყობა.

ქალწული. ქალწულებს დღეს საკუთარი ინტიუცია ისე გამოგადგებათ, როგორც არასდროს. ყველაფერი ისე გააკეთეთ, როგორც გული გკარნახობთ და ნურავის რჩევებს მოუსმენთ. მწამდეთ წარმატების!

სასწორი. პროფესიულ სფეროში სასწორებს ძალიან მძიმე დღე გელით. დიდი სიფრთხილით უნდა მოეკიდოთ ახალ იდეებსა და წინადადებებს. შესაძლებელია სწორედ დღეს მიიღოთ არასწორი ინფორმაცია. ასევე სიფრთხილე გმართებთ საკუთარ ჯანმრთელობასთან დაკავშირებით. ერიდეთ ალკოჰოლურ სასმელებსა და მძიმე საკვებს, - ეს თქვენთვის საზიანო იქნება.

მორიელი. არახესაყრელი პერიოდია ფინანსებისთვის, ასევე პარტნიორებთან, მევალეებსა და ინვესტორებთან ურთიერთობებისათვის. ერიდეთ ავანტიურებს და გაუფრთხილდით ჯანმრთელობას. ახლობელი ადამიანები სახლში თქვენს სიმშვიდეზე იზრუნებენ.

მშვილდოსანი. მშვილდოსნებს ნეგატიური დღე გელით. შესაძლებელია თქვენი მისამართით ცილისწამება მოისმინოთ, რაც წინსვლაში ხელს შეგიშლით. არ ღირს ამ დღეს სარისკო საქმეებში ან ავანტიურებში მონაწილეობა. შეეცადეთ სიმშვიდე შეინარჩუნოთ. ძალიან დიდია ჯანმრთელობასთან დაკავშირებული რისკი.

თხის რქა. თხის რქებს დღეს ვარსკვლავები უამრავ სიურპრიზს გჩუქნიან. სამწუხაროდ ყოველი მათგანი სასიამოვნო ვერ იქნება, მაგრამ ბედი დაგეხმარებათ ამასთან გამკლავებაში. მატერიალური თვალსაზრისითაც არაა მოსალოდნელი ძალიან წარმატებული პერიოდი, მაგრამ შეეცადეთ ემოციებს არ მისცეთ გასაქანი. თუ ამ დღეს ძვირადღირებული შენაძენის გაკეთება გქონდათ დაგეგმილი, უმჯობესია ის სხვა დროისთვის გადადოთ. შეეცადეთ აკონტროლოთ საკუთარი ფსიქიკური მდგომარეობა.

მერწყული. დღეს უამრავი სამუშაო გელოდებათ, მაგრამ თუ პანიკას არ აჰყვებით და აუჩქარებლად იშრომებთ, მას ადვილად გაუმკლავდებით. დღის მეორე ნახევარში ძველ, დიდი ხნის უნახავ მეგობარს შეხვდებით და მოსალოდნელია, რომ ეს შეხვედრა რაღაც უფრო ძლიერში გადაიზარდოს.

თევზები. ამ ნიშნის წარმომადგენლებისთვის ეს ყველაზე საშიში და მძიმე დღეა. არ ღირს ამ დღეს სამოგზაუროდ ან მივლინებაში წასვლა, რადგანაც ეს თქვენსა და ბიზნესის იმედებს ვერ გაამართლებს. უმჯობესია გამორიცხოთ ფიზიკური დატვირთვა, ეს ზიანს მოგიტანთ. შეეცადეთ ეს დღე ოჯახურ წრეში გაატაროთ, ან მოინახულოთ ნათესავები, რასაც დიდი ხანია აპირებდით.

ავტორი: ემილი.

2020-12-18.

წყარო