თქვენი კარიერა შეიძლება ბევრად იყოს დამოკიდებული იყოს იმაზე, თუ როგორ გამოიყურება თქვენი სავიზიტო ბარათი, რა არის მასზე ასახული და როგორ წარმოგაჩენთ ის. სავიზიტო ბარათი შეიძლება იყოს: კორპორატიული და პერსონალური (პირადი).

კორპორატიული სავიზიტო ბარათებით სარგებლობენ ორგანიზაციები. ასეთ ბარათებს პიროვნების სახელი არ აწერია, მხოლოდ ფირმის დასახელება, ლოგო, კოორდინატები და ვებ-გვერდია ზედ აღნიშნული. შეიძლება ასეთ სავიზიტო ბარათზე მიაწეროთ საკუთარი სახელი, იმ შემთხვევაში, თუ პერსონალური სავიზიტო ბარათი არა გაქვთ ხელთ.

პერსონალურ საქმიან სავიზიტო ბარათზე უნდა იყოს კომპანიის დასახელება, მისი ლოგო, კოორდინატები (მისამართი, ტელეფონი, ფაქსი, პერსონალური ვებ-მისამართი), ბარათის მფლობელის სახელი და გვარი, თანამდებობა. მობილური ტელეფონის ნომერი იმ შემთხვევაში უნდა მიუთითოთ, თუ ეს ნომერი სამსახურისთვის არის განკუთვნილი. ტელეფონის ნომრებთან ერთად მითითებული უნდა იყოს ქალაქის კოდიც და იმ შემთხვევაში, თუ სავიზიტო ბარათი უცხო ენაზეა, ქვეყნის კოდიც.

სავიზიტო ბარათის სტანდარტული ზომა მამაკაცებისთვის არის 50/90 სმ. ქალებისათვის კი 40/80 სმ. მაღალი თანამდებობის პირები უფრო დიდი ზომის (60/90 სმ) სავიზიტო ბარათებს იყენებენ.
ხშირად სავიზიტო ბარათებს ორმხრივს ამზადებენ (მეორე მხარეს უცხო ენაზე), მაგრამ ეს აუციელებელი არ არის, რადგან ბარათის მეორე მხარე წარწერების გასაკეთებლად არის განკუთვნილი.

ფერი სავიზიტო ბარათისა უნდა იყოს ნათელი მუქი წარწერებით.
სტილი - მკაცრი (არანაირი ნახატები, ხვეულები, ჰოლოგრამები და ფერადი შრიფტი).
ქაღალდი - ძვირფასი მკვრივი და გამძლე, მისთვის ეკონომიის გაკეთება არ ღირს. საქმიანი ეტიკეტის ნორმები არ ითვალისწინებს ქაღალდის გარდა სხვა მასალის (ტყავის, პლასტიკატის...) გამოყენებას, რადგან სხვა მასალაზე წარწერები არ კეთდება.
შრიფტი უნდა იყოს სადა, ადვილად წასაკითხი, ამასთანავე, სახელი და გვარი უფრო დიდი შრიფტით იწერება, ვიდრე დანარჩენი ინფორმაცია ბარათზე.
ორგანიზაციის ლოგო, სასურველია, ბარათის ზედა მარცხენა კუთხეში იყოს განთავსებული.
კოორდინატები შეგიძლიათ შუაში, ან ბარათის ქვედა მარცხენა კუთხეში განალაგოთ.

სავიზიტო ბარათებს ჩვეულებრივ ინახავენ სპეციალურ საბარათეში. კარგია თუ ჯიბეში, მანქანაში, ან საფულეში გექნებათ რამდენიმე ცალი სავიზიტო ბარათი რომ საჭიროების შემთხვევაში გამოიყენოთ. მას იმ შემთხვევაში გადასცემთ სხვას, თუ გთხოვენ დაუტოვოთ კოორდინატები. ასევე პარტნიორთან ან მნიშვნელოვან პიროვნებასთან გაცნობის, საქმიანი საუბრის დროს.

პერლა გისურვებთ წარმატებას კარიერაში!

ავტორი: ემილი.