სამყაროში ყველაფერი ურთიერთკავშირშია. არსებობს დაუწერელი კანონები, როლებიც გარშემო ყველაფერს მართავენ და ამ ყველაფერში არც ჩვენი ცხოვრებაა გამონაკლისი.  ცნობილი ფსიქოლოგი, ადამიანის ფსიქო-ფიზიკური განვითარების მკვლევარი, მწერალი, უამრავი ბესტსელერის ავტორი და ბიზნესმენი, მულტიმილიონერი რენდი გეიჯი შვიდ კანონს გამოყოფს, რომლებიც ჩვენს სულიერებაზე და ცხოვრებაზე ბატონობენ:

• სიცარიელის კანონი. თუ ახალ ფეხსაცმელზე ოცნებობთ, გადაყარეთ ძველი. თუ ახალი ტანსაცმელი გჭირდებათ, გამოალაგეთ საკუთარი გარდერობი და გაათავისუფლეთ ის არასაჭირო ნივთებისგან. კეთილი ნებით უნდა გამოემშვიდობოთ სტერეოტიპებს თუ ცხოვრებაში სიახლეები და ცვლილებები გსურთ.

• ცირკულაციის კანონი. მზად იყავით გაუშვათ რაღაც, რასაც ფლობთ იმისათვის, რომ მიიღოთ ის, რისი სურვილიც გაქვთ.

• წარმოსახვის კანონი. ჯერ აყვავება საკუთარ წარმოსახვაში უნდა იხილოთ. გააკეთეთ თქვენთვის იდეალური დღის აღწერა და ისეთს არავის აჩვენოთ, ვისაც არ ენდობით. შეინახეთ ის თქვენთვის მისაწვდომ ადგილას და თავისუფალ დროს გადაიკითხეთ ხოლმე.

• შემოქმედების კანონი. ადამიანმა შეიძლება მიაღწიოს აყვავებას საკუთარი აზროვნების, ინტუიციისა და წარმოსახვის წყალობით წარმოშობილი ენერგეტიკის შედეგად.

• გაცემისა და მიღების კანონი. თუ რამეს გასცემთ, ის ათჯერ გაზრდილი გიბრუნდებათ უკან. როდესაც სიკეთეს იღებთ, ძალიან მნიშვნელოვანია ის გარშემომყოფებს გაუზიაროთ. თუ ღვთის საჩუქარი გხვდათ წილად და მას არ იყენებთ, ამით შეურაცხყოფას აყენებთ ღვთაებრივ ბუნებას. იმისათვის, რომ საკადრისი პატივისცემით მოეპყრათ საკუთარ შესაძლებლობებს, უნდა გაიხაროთ ღვთის ბოძებული საჩუქრით და გაუნაწილოთ ის სხვებსაც. თუ ამას აკეთებთ, კიდევ უფრო მეტ სიკეთეს მიიზიდავთ თქვენს ცხოვრებაში.

• მეათედის კანონი. სამყარო ყოველთვის იღებს თავის წილს - ერთ მეათედს. ეს უბრალოდ მადლიერების კანონია მხარდაჭერისთვის - 10% ყველაფრიდან , რაც გაბადიათ. თქვენ არასდროს იცით როგორ დაგიბრუნდებათ უკან ეს მეათედი. ფული - მატერიალური გამოვლინებაა, მაგრამ ისიც კი შეიძლება ვინმეს სახით მოგევლინოთ, მაგალითად ახალი მეგობრული ურთიერთიერთობით, გამოჯანრმთელების სახით და ა.შ.

• პატიების კანონი. თუ ადამიანების პატიება არ შეგიძლიათ, ვერც საკუთარი სიმდიდრის მიღებას შეძლებთ. თუ თქვენი სული სიძულვილითაა სავსე, სიყვარული ვერ შეძლებს მასში ადგილის გამონახვას. უნდა გათავისუფლდეთ ნეგატიური გრძნობებისგან, რომლებიც გრღნიან და მოსვენებას არ გაძლევენ.

ავტორი: ემილი

2017-05-25